अध्याय 312: पाँच दिन चित्रकूट के तीर्थों का दर्शन

एहि विधि भरतु फिरत बन माहीं । नेम प्रेम लखि मुनि सकुचाहीं ॥
पुन्य जलाश्रय भूमि बिभागा । खग मृग तरु तृन गिरि बन बागा ॥

ehi vidhi bharatu phirata bana māhīṃ | nema prema lakhi muni sakucāhīṃ ||
punya jalāśraya bhūmi bibhāgā | khaga mṛga taru tṛna giri bana bāgā ||

चारु विचित्र पवित्र बिसेखी । बूझत भरत दिव्य सब देखी ॥
सुनि मन मुदित कहत रिषिराऊ । हेतु नाम गुन पुन्य प्रभाऊ ॥

cāru vicitra pavitra bisekhī | būjhata bharata divya saba dekhī ||
suni mana mudita kahata riṣirāū | hetu nāma guna punya prabhāū ||

कतहुँ निमज्जन कतहुँ प्रनामा । कतहुँ बिलोकन मन अभिरामा ॥
कतहुँ बैठि सुनि आयसु पाई । सुमिरत सीय सहित रघुराई ॥

katahum̐ nimajjana katahum̐ pranāmā | katahum̐ bilokana mana abhirāmā ||
katahum̐ baiṭhi suni āyasu pāī | sumirata sīya sahita raghurāī ||

देखि सुभाउ सनेह सुसेवा । देहिँ असीस मुदित बनदेवा ॥
फिरहिँ गये दिन पहर अढ़ाई । प्रभु-पद-कमल बिलोकहिँ आई ॥

dekhi subhāu saneha susevā | dehim̐ asīsa mudita banadevā ||
phirahim̐ gaye dina pahara ar̤hāī | prabhu-pada-kamala bilokahim̐ āī ||