अध्याय 311: भरत नंगे पाँव वन में विचरते हैं

कहत धरम इतिहास सप्रीती । भयउ भोरु निसि सो सुख बीती ॥
नित्य निबाहि भरत दोउ भाई । राम अत्रि गुरु आयसु पाई ॥

kahata dharama itihāsa saprītī | bhayau bhoru nisi so sukha bītī ||
nitya nibāhi bharata dou bhāī | rāma atri guru āyasu pāī ||

सहित समाज साज सब सादें । चले राम-बन अटन पयादें ॥
कोमल चरन चलत बिनु पनहीं । भइ मृदु भूमि सकुचि मन मनहीं ॥

sahita samāja sāja saba sādeṃ | cale rāma-bana aṭana payādeṃ ||
komala carana calata binu panahīṃ | bhai mṛdu bhūmi sakuci mana manahīṃ ||

कुस कंटक काँकरीं कुराईं । कटुक कठोर कुबस्तु दुराईं ॥
महि मञ्जुल मृदु मारग कीन्हे । बहुत समीर त्रिविधि सुख लीन्हे ॥

kusa kaṃṭaka kām̐karīṃ kurāīṃ | kaṭuka kaṭhora kubastu durāīṃ ||
mahi mañjula mṛdu māraga kīnhe | bahuta samīra trividhi sukha līnhe ||

सुमन बरषि सुर घन करि छाहीं । बिटप फूलि फलि तृन मृदुताहीं ॥
मृग बिलोकि खग बोलि सुबानी । सेवहिँ सकल राम-प्रिय जानी ॥

sumana baraṣi sura ghana kari chāhīṃ | biṭapa phūli phali tṛna mṛdutāhīṃ ||
mṛga biloki khaga boli subānī | sevahim̐ sakala rāma-priya jānī ||