अध्याय 310: तीर्थजल से भरतकूप की स्थापना

भरत अत्रि अनुसासन पाई । जल-भाजन सब दिये चलाई ॥
सानुज आपु अत्रि मुनि साधू । सहित गये जहँ कूप अगाधू ॥

bharata atri anusāsana pāī | jala-bhājana saba diye calāī ||
sānuja āpu atri muni sādhū | sahita gaye jaham̐ kūpa agādhū ||

पावन-पाथ पुन्यथल राखा । प्रमुदित प्रेम अत्रि अस भाखा ॥
तात अनादि सिद्ध थल एहू । लोपेउ काल विदित नहिँ केहू ॥

pāvana-pātha punyathala rākhā | pramudita prema atri asa bhākhā ||
tāta anādi siddha thala ehū | lopeu kāla vidita nahim̐ kehū ||

तब सेवकन्ह सरल थल देखा । कीन्ह सुजल हित कूप बिसेखा ॥
विधि-बस भयउ बिस्व उपकारू । सुगम अगम अति धरम बिचारू ॥

taba sevakanha sarala thala dekhā | kīnha sujala hita kūpa bisekhā ||
vidhi-basa bhayau bisva upakārū | sugama agama ati dharama bicārū ||

भरतकूप अब कहिहहिँ लोगा । अति पावन तीरथ-जल जोगा ॥
प्रेम सनेम निमज्जत प्रानी । होइहहिँ बिमल करम मन बानी ॥

bharatakūpa aba kahihahim̐ logā | ati pāvana tīratha-jala jogā ||
prema sanema nimajjata prānī | hoihahim̐ bimala karama mana bānī ||