अध्याय 305: श्रीराम कहते हैं, गुरु का प्रभाव सबकी रक्षा करेगा

जानहु तात तरनि-कुल रीती । सत्यसन्ध पितु कीरति प्रीती ॥
समउ समाज लाज गुरुजन की । उदासीन हित अनहित मन की ॥

jānahu tāta tarani-kula rītī | satyasandha pitu kīrati prītī ||
samau samāja lāja gurujana kī | udāsīna hita anahita mana kī ||

तुम्हहिं बिदित सबही कर करमू । आपन मोर परम-हित धरमू ॥
मोहि सब भाँति भरोस तुम्हारा । तदपि कहउँ अवसर अनुसारा ॥

tumhahiṃ bidita sabahī kara karamū | āpana mora parama-hita dharamū ||
mohi saba bhām̐ti bharosa tumhārā | tadapi kahaum̐ avasara anusārā ||

तात तात बिनु बात हमारी । केवल गुरु-कुल-कृपाँ सँभारी ॥
नतरु प्रजा पुरजन परिवारू । हमहिँ सहित सब होत खुआरू ॥

tāta tāta binu bāta hamārī | kevala guru-kula-kṛpām̐ sam̐bhārī ||
nataru prajā purajana parivārū | hamahim̐ sahita saba hota khuārū ||

जौं बिनु अवसर अथवँ दिनेसू । जग केहि कहहु न होइ कलेसू ॥
तस उतपात तात बिधि कीन्हा । मुनि मिथिलेस राखि सब लीन्हा ॥

jauṃ binu avasara athavam̐ dinesū | jaga kehi kahahu na hoi kalesū ||
tasa utapāta tāta bidhi kīnhā | muni mithilesa rākhi saba līnhā ||