अध्याय 303: तुलसी भरत की महिमा कह नहीं पाते

कृपासिन्धु लखि लोग दुखारे । निज सनेहँ सुरपति छल भारे ॥
सभा राउ गुरु महिसुर मन्त्री । भरत भगति सब के मति जन्त्री ॥

kṛpāsindhu lakhi loga dukhāre | nija saneham̐ surapati chala bhāre ||
sabhā rāu guru mahisura mantrī | bharata bhagati saba ke mati jantrī ||

रामहिँ चितवत चित्र लिखे से । सकुचत बोलत बचन सिखे से ॥
भरत प्रीति नति बिनय बड़ाई । सुनत सुखद बरनत कठिनाई ॥

rāmahim̐ citavata citra likhe se | sakucata bolata bacana sikhe se ||
bharata prīti nati binaya bar̤āī | sunata sukhada baranata kaṭhināī ||

जासु बिलोकि भगति लवलेसू । प्रेम मगन मुनि-गन मिथिलेसू ॥
महिमा तासु कहइ किमि तुलसी । भगति सुभायँ सुमति हियँ हुलसी ॥

jāsu biloki bhagati lavalesū | prema magana muni-gana mithilesū ||
mahimā tāsu kahai kimi tulasī | bhagati subhāyam̐ sumati hiyam̐ hulasī ||

आपु छोटि महिमा बड़ि जानी । कविकुल-कानि मानि सकुचानी ॥
कहि न सकति गुन रुचि अधिकाई । मति गति बाल-बचन की नाँई ॥

āpu choṭi mahimā bar̤i jānī | kavikula-kāni māni sakucānī ||
kahi na sakati guna ruci adhikāī | mati gati bāla-bacana kī nām̐ī ||