अध्याय 3: दशरथ गुरु वसिष्ठ से मन की बात कहते हैं

कहइ भुआल सुनिय मुनिनायक । भये राम सब-बिधि सब-लायक ॥
सेवक सचिव सकल पुरबासी । जे हमारे अरि मित्र उदासी ॥

kahai bhuāla suniya munināyaka | bhaye rāma saba-bidhi saba-lāyaka ||
sevaka saciva sakala purabāsī | je hamāre ari mitra udāsī ||

सबहिँ राम प्रिय जेहि बिधि मोही । प्रभु असीस जनु तनु धरि सोही ॥
बिप्र सहित परिवार गोसाँई । करहिँ छोह सब रौरिहि नाँई ॥

sabahim̐ rāma priya jehi bidhi mohī | prabhu asīsa janu tanu dhari sohī ||
bipra sahita parivāra gosām̐ī | karahim̐ choha saba raurihi nām̐ī ||

जे गुरु-चरन-रेनु सिर धरहीँ । ते जनु सकल बिभव बस करहीँ ॥
मोहि सम यह अनुभयउ न दूजें । सब पायउँ रज-पावनि पूजें ॥

je guru-carana-renu sira dharahīm̐ | te janu sakala bibhava basa karahīm̐ ||
mohi sama yaha anubhayau na dūjeṃ | saba pāyaum̐ raja-pāvani pūjeṃ ||

अब अभिलाष एक मन मोरें । पूजिहि नाथ अनुग्रह तोरें ॥
मुनि प्रसन्न लखि सहज-सनेहू । कहेउ नरेस रजायसु देहू ॥

aba abhilāṣa eka mana moreṃ | pūjihi nātha anugraha toreṃ ||
muni prasanna lakhi sahaja-sanehū | kaheu naresa rajāyasu dehū ||