अध्याय 298: भरत प्रभु के सामने अपनी ढिठाई मानते हैं

प्रभु पितु मातु सुह्रद गुरु स्वामी । पूज्य परम हित अतंरजामी ॥
सरल सुसाहिब सील-निधानू । प्रनत-पाल सर्बज्ञ सुजानू ॥

prabhu pitu mātu suhrada guru svāmī | pūjya parama hita ataṃrajāmī ||
sarala susāhiba sīla-nidhānū | pranata-pāla sarbajña sujānū ||

समरथ सरनागत हितकारी । गुन गाहक अवगुन-अघ-हारी ॥
स्वामि गोसाँइहि सरिस गोसाँई । मोहि समान मैं साइँ-दोहाई ॥

samaratha saranāgata hitakārī | guna gāhaka avaguna-agha-hārī ||
svāmi gosām̐ihi sarisa gosām̐ī | mohi samāna maiṃ sāim̐-dohāī ||

प्रभु-पितु-बचन मोह अस पेली । आयउँ इहाँ समाज सकेली ॥
जग भल पोच ऊँच अरु नीचू । अमिय अमर-पद माहुर मीचू ॥

prabhu-pitu-bacana moha asa pelī | āyaum̐ ihām̐ samāja sakelī ||
jaga bhala poca ūm̐ca aru nīcū | amiya amara-pada māhura mīcū ||

राम रजाइ मेट मन माहीं । देखा सुना कतहुँ कोउ नाहीं ॥
सो मैं सब बिधि कीन्हि ढिठाई । प्रभु मानी सनेह सेवकाई ॥

rāma rajāi meṭa mana māhīṃ | dekhā sunā katahum̐ kou nāhīṃ ||
so maiṃ saba bidhi kīnhi ḍhiṭhāī | prabhu mānī saneha sevakāī ||