अध्याय 291: वसिष्ठ राम के वचन जनक तक ले जाते हैं

सो सुख करम धरम जरि जाऊ । जहँ न राम-पद-पङ्कज भाऊ ॥
जोग कुजोग ज्ञान अज्ञानू । जहँ नहिँ राम प्रेम परधानू ॥

so sukha karama dharama jari jāū | jaham̐ na rāma-pada-paṅkaja bhāū ||
joga kujoga jñāna ajñānū | jaham̐ nahim̐ rāma prema paradhānū ||

तुम्ह बिनु दुखी सुखी तुम्ह तेहीं । तुम्ह जानहु जिय जो जेहि केहीं ॥
राउर आयसु सिर सबही कें । बिदित कृपालहि गति सब नीकें ॥

tumha binu dukhī sukhī tumha tehīṃ | tumha jānahu jiya jo jehi kehīṃ ||
rāura āyasu sira sabahī keṃ | bidita kṛpālahi gati saba nīkeṃ ||

आपु आश्रमहिं धारिअ पाऊ । भयउ सनेह सिथिल मुनिराऊ ॥
करि प्रनाम तब राम सिधाये । रिषि धरि धीर जनक पहिँ आये ॥

āpu āśramahiṃ dhāria pāū | bhayau saneha sithila munirāū ||
kari pranāma taba rāma sidhāye | riṣi dhari dhīra janaka pahim̐ āye ||

राम बचन गुरु नृपहि सुनाये । सील सनेह सुभायँ सुहाये ॥
महाराज अब कीजिय सोई । सब कर धरम सहित हित होई ॥

rāma bacana guru nṛpahi sunāye | sīla saneha subhāyam̐ suhāye ||
mahārāja aba kījiya soī | saba kara dharama sahita hita hoī ||