अध्याय 285: सुनयना याज्ञवल्क्य का वचन सुनाती हैं

लखि सनेह सुनि बचन विनीता । जनक-प्रिया गहि पाय पुनीता ॥
देबि उचित असि बिनय तुम्हारी । दसरथ-घरिनि राम-महतारी ॥

lakhi saneha suni bacana vinītā | janaka-priyā gahi pāya punītā ||
debi ucita asi binaya tumhārī | dasaratha-gharini rāma-mahatārī ||

प्रभु अपने नीचहु आदरहीं । अगिनि धूम गिरि-सिर-तृन धरहीँ ॥
सेवक राउ करम-मन-बानी । सदा सहाय महेस भवानी ॥

prabhu apane nīcahu ādarahīṃ | agini dhūma giri-sira-tṛna dharahīm̐ ||
sevaka rāu karama-mana-bānī | sadā sahāya mahesa bhavānī ||

रउरे अङ्ग जोग जग को है । दीप सहाय कि दिनकर सोहै ॥
राम जाइ बन करि सुर काजू । अचल अवधपुर करिहहिँ राजू ॥

raure aṅga joga jaga ko hai | dīpa sahāya ki dinakara sohai ||
rāma jāi bana kari sura kājū | acala avadhapura karihahim̐ rājū ||

अमर नाग नर राम-बाहु-बल । सुख बसिहहिं अपनें अपने थल ॥
यह सब जागबलिक कहि राखा । देबि न होइ मुधा मुनि भाखा ॥

amara nāga nara rāma-bāhu-bala | sukha basihahiṃ apaneṃ apane thala ||
yaha saba jāgabalika kahi rākhā | debi na hoi mudhā muni bhākhā ||