अध्याय 284: कौसल्या का प्रस्ताव, लक्ष्मण लौटें और भरत वन रहें

रानि राय सन अवसरु पाई । अपनी भाँति कहब समुझाई ॥
रखिअहिं लखन भरत गबनहिं बन । जौँ यह मत मानै महीप मन ॥

rāni rāya sana avasaru pāī | apanī bhām̐ti kahaba samujhāī ||
rakhiahiṃ lakhana bharata gabanahiṃ bana | jaum̐ yaha mata mānai mahīpa mana ||

तौ भल जतन करब सुबिचारी । मेरे सोच भरत कर भारी ॥
गूढ़ सनेह भरत मन माही । रहें नीक मोहि लागत नाहीॅं ॥

tau bhala jatana karaba subicārī | mere soca bharata kara bhārī ||
gūr̤ha saneha bharata mana māhī | raheṃ nīka mohi lāgata nāhīॅṃ ||

लखि सुभाउ सुनि सरल सुबानी । सब भइँ मग़न करुन रस रानी ॥
नभ प्रसून भरि धन्य धन्य धुनि । सिथिल सनेहँ सिद्ध जोगी मुनि ॥

lakhi subhāu suni sarala subānī | saba bhaim̐ maġana karuna rasa rānī ||
nabha prasūna bhari dhanya dhanya dhuni | sithila saneham̐ siddha jogī muni ||

सब रनिवास बिथकि लखि रहेऊ । तब धरि धीर सुमित्राँ कहेऊ ॥
देबि दंड जुग जामिनि बीती । राम-मातु सुनि उठी सप्रीती ॥

saba ranivāsa bithaki lakhi raheū | taba dhari dhīra sumitrām̐ kaheū ||
debi daṃḍa juga jāmini bītī | rāma-mātu suni uṭhī saprītī ||