अध्याय 283: कौसल्या राम की शपथ से भरत को सराहती हैं

इस प्रसाद असीस तुम्हारी । सुत सुतबधू देवसरि-बारी ॥
राम सपथ मैं कीन्ह न काऊ । सो करि कहउँ सखी सति भाऊ ॥

isa prasāda asīsa tumhārī | suta sutabadhū devasari-bārī ||
rāma sapatha maiṃ kīnha na kāū | so kari kahaum̐ sakhī sati bhāū ||

भरत सील गुन बिनय बड़ाई । भायप भगति भरोस भलाई ॥
कहत सारदहु कर मति हीचे । सागर सीपि कि जाहिँ उलीचे ॥

bharata sīla guna binaya bar̤āī | bhāyapa bhagati bharosa bhalāī ||
kahata sāradahu kara mati hīce | sāgara sīpi ki jāhim̐ ulīce ||

जानउँ सदा भरत कुल दीपा । बार बार मोहि कहेउ महीपा ॥
कसें कनक मनि पारिखि पाये । पुरुष परिखिअहिं समयँ सुभाये ॥

jānaum̐ sadā bharata kula dīpā | bāra bāra mohi kaheu mahīpā ||
kaseṃ kanaka mani pārikhi pāye | puruṣa parikhiahiṃ samayam̐ subhāye ||

अनुचित आजु कहब अस मोरा । लोक सनेहँ सयानप थोरा ॥
सुनि सुरसरि सम पावनि बानी । भईँ सनेह बिकल सब रानी ॥

anucita āju kahaba asa morā | loka saneham̐ sayānapa thorā ||
suni surasari sama pāvani bānī | bhaīm̐ saneha bikala saba rānī ||