अध्याय 282: कौसल्या को भरत की चिन्ता

सुनि ससोच कह देबि सुमित्रा । बिधि गति बड़ि बिपरीत विचित्रा ॥
जो सृजि पालइ हरइ बहोरी । बाल केलि सम बिधि मति भोरी ॥

suni sasoca kaha debi sumitrā | bidhi gati bar̤i biparīta vicitrā ||
jo sṛji pālai harai bahorī | bāla keli sama bidhi mati bhorī ||

कौसल्या कह दोस न काहू । करम-बिबस दुख-सुख छति लाहू ॥
कठिन करम-गति जान विधाता । जो सुभ असुभ सकल फल दाता ॥

kausalyā kaha dosa na kāhū | karama-bibasa dukha-sukha chati lāhū ||
kaṭhina karama-gati jāna vidhātā | jo subha asubha sakala phala dātā ||

ईस रजाइ सीस सबही कें । उतपति थिति लय बिषहु अमी कें ॥
देबि मोह बस सोचिअ बादी । विधि प्रपञ्च अस अचल अनादी ॥

īsa rajāi sīsa sabahī keṃ | utapati thiti laya biṣahu amī keṃ ||
debi moha basa socia bādī | vidhi prapañca asa acala anādī ||

भूपति जिअब मरब उर आनी । सोचिअ सखि लखि निज हित हानी ॥
सीय मातु कह सत्य सुबानी । सुकृती-अवधि अवधपति-रानी ॥

bhūpati jiaba maraba ura ānī | socia sakhi lakhi nija hita hānī ||
sīya mātu kaha satya subānī | sukṛtī-avadhi avadhapati-rānī ||