अध्याय 274: श्रीराम सबका सम्मान करते हैं, जनक आते हैं

सुनि सनेह-भय पुरजन बानी । निन्दहिँ जोग बिरति मुनि ग्यानी ॥
एहि विधि नित्यकरम करि पुरजन । रामहिँ करहिं प्रनाम पुलकि तन ॥

suni saneha-bhaya purajana bānī | nindahim̐ joga birati muni gyānī ||
ehi vidhi nityakarama kari purajana | rāmahim̐ karahiṃ pranāma pulaki tana ||

ऊँच नीच मध्यम नर-नारी । लहहिँ दरस निज निज अनुहारी ॥
सावधान सबही सनमानहिँ । सकल सराहत कृपानिधानहिँ ॥

ūm̐ca nīca madhyama nara-nārī | lahahim̐ darasa nija nija anuhārī ||
sāvadhāna sabahī sanamānahim̐ | sakala sarāhata kṛpānidhānahim̐ ||

लरिकाइहिँ ते रघुबर बानी । पालत नीति प्रीति पहिचानी ॥
सील-सकोच-सिन्धु रघुराऊ । सुमुख सुलोचन सरल सुभाऊ ॥

larikāihim̐ te raghubara bānī | pālata nīti prīti pahicānī ||
sīla-sakoca-sindhu raghurāū | sumukha sulocana sarala subhāū ||

कहत राम गुन-गन अनुरागे । सब निज भाग सराहन लागे ॥
हम सम पुन्य-पुत्र जग थोरे । जिन्हहि राम जानत करि मोरे ॥

kahata rāma guna-gana anurāge | saba nija bhāga sarāhana lāge ||
hama sama punya-putra jaga thore | jinhahi rāma jānata kari more ||