अध्याय 265: देवताओं का भय और बृहस्पति की सलाह

सुर-गन सहित सभय सुरराजू । सोचहिँ चाहत होन अकाजू ॥
बनत उपाउ करत कछु नाहीॅं । राम-सरन सब गे मन माहीँ ॥

sura-gana sahita sabhaya surarājū | socahim̐ cāhata hona akājū ||
banata upāu karata kachu nāhīॅṃ | rāma-sarana saba ge mana māhīm̐ ||

बहुरि बिचारि परसपर कहहीँ । रघुपति भगत-भगति बस अहहीँ ॥
सुधि करि अम्बरीष दुरबासा । भे सुर-सुरपति निपट निरासा ॥

bahuri bicāri parasapara kahahīm̐ | raghupati bhagata-bhagati basa ahahīm̐ ||
sudhi kari ambarīṣa durabāsā | bhe sura-surapati nipaṭa nirāsā ||

सहे सुरन्ह बहु काल बिषादा । नरहरि किये प्रगट प्रहलादा ॥
लगि लगि कान कहहिँ धुनि माथा । अब सुर-काज भरत के हाथा ॥

sahe suranha bahu kāla biṣādā | narahari kiye pragaṭa prahalādā ||
lagi lagi kāna kahahim̐ dhuni māthā | aba sura-kāja bharata ke hāthā ||

आन उपाउ न देखिय देवा । मानत राम सुसेवक सेवा ॥
हियँ सपेम सुमिरहु सम भरतहि । निज गुन सील राम बस करतहि ॥

āna upāu na dekhiya devā | mānata rāma susevaka sevā ||
hiyam̐ sapema sumirahu sama bharatahi | nija guna sīla rāma basa karatahi ||