अध्याय 247: राम को पिता के स्वर्गवास का समाचार

बिकल सनेहँ सीय सब रानीं । बैठन सबहि कहेउ गुर ग्यानीं ॥
कहि जग गति मायिक मुनिनाथा । कहे कछुक परमारथ गाथा ॥

bikala saneham̐ sīya saba rānīṃ | baiṭhana sabahi kaheu gura gyānīṃ ||
kahi jaga gati māyika munināthā | kahe kachuka paramāratha gāthā ||

नृप कर सुरपुर-गवन सुनावा । सुनि रघुनाथ दुसह दुख पावा ॥
मरन-हेतु निज-नेह बिचारी । भे अति बिकल धीर-धुर-धारी ॥

nṛpa kara surapura-gavana sunāvā | suni raghunātha dusaha dukha pāvā ||
marana-hetu nija-neha bicārī | bhe ati bikala dhīra-dhura-dhārī ||

कुलिस-कठोर सुनत कटु बानी । बिलपत लखन सीय सब रानी ॥
सोक बिकल अति सकल समाजू । मानहुँ राज अकाजेउ आजू ॥

kulisa-kaṭhora sunata kaṭu bānī | bilapata lakhana sīya saba rānī ||
soka bikala ati sakala samājū | mānahum̐ rāja akājeu ājū ||

मुनिबर बहुरि राम समुझाये । सहित समाज सुसरित नहाये ॥
व्रत निरम्बु तेहि दिन प्रभु कीन्हा । मुनिहु कहें जल काहु न लीन्हा ॥

munibara bahuri rāma samujhāye | sahita samāja susarita nahāye ||
vrata nirambu tehi dina prabhu kīnhā | munihu kaheṃ jala kāhu na līnhā ||