अध्याय 229: भरत की सेना देखकर लक्ष्मण का क्रोध

सहसबाहु सुरनाथ त्रिसंकू । केहि न राजमद दीन्ह कलङ्कू ॥
भरत कीन्ह यह उचित उपाऊ । रिपु रिन रञ्च न राखब काऊ ॥

sahasabāhu suranātha trisaṃkū | kehi na rājamada dīnha kalaṅkū ||
bharata kīnha yaha ucita upāū | ripu rina rañca na rākhaba kāū ||

एक कीन्हि नहिँ भरत भलाई । निदरे राम जानि असहाई ॥
समुझि परिहि सोउ आजु बिसेखी । समर सरोष राम-मुख पेखी ॥

eka kīnhi nahim̐ bharata bhalāī | nidare rāma jāni asahāī ||
samujhi parihi sou āju bisekhī | samara saroṣa rāma-mukha pekhī ||

एतना कहत नीति-रस भूला । रन-रस-बिटप पुलक मिस फूला ॥
प्रभु-पद बन्दि सीस रज राखी । बोले सत्य सहज बल भाखी ॥

etanā kahata nīti-rasa bhūlā | rana-rasa-biṭapa pulaka misa phūlā ||
prabhu-pada bandi sīsa raja rākhī | bole satya sahaja bala bhākhī ||

अनुचित नाथ न मानब मोरा । भरत हमहिॅ उपचार न थोरा ॥
कहँ लगि सहिय रहिय मन मारें । नाथ साथ धनु हाथ हमारें ॥

anucita nātha na mānaba morā | bharata hamahiॅ upacāra na thorā ||
kaham̐ lagi sahiya rahiya mana māreṃ | nātha sātha dhanu hātha hamāreṃ ||