अध्याय 21: मन्थरा का उपाय और कैकेयी की स्वीकृति

नैहर जनम भरब बरु जाई । जियत न करवि सवति सेवकाई ॥
अरि बस दैव जिआवत जाही । मरन नीक तेहि जीवन चाही ॥

naihara janama bharaba baru jāī | jiyata na karavi savati sevakāī ||
ari basa daiva jiāvata jāhī | marana nīka tehi jīvana cāhī ||

दीन बचन कह बहु बिधि रानी । सुनि कुबरीं तिय-माया ठानी ॥
अस कस कहहु मानि सन ऊना । सुख सोहाग तुम्ह कहँ दिन दूना ॥

dīna bacana kaha bahu bidhi rānī | suni kubarīṃ tiya-māyā ṭhānī ||
asa kasa kahahu māni sana ūnā | sukha sohāga tumha kaham̐ dina dūnā ||

जेहिं राउर अति अनभल ताका । सोइ पाइहि यह फल परिपाका ॥
जब तेँ कुमत सुना मैं स्वामिनि । भूख न बासर नींद न जामिनि ॥

jehiṃ rāura ati anabhala tākā | soi pāihi yaha phala paripākā ||
jaba tem̐ kumata sunā maiṃ svāmini | bhūkha na bāsara nīṃda na jāmini ||

पूँछेउ गुनिन्ह रेख तिन्ह खाँची । भरत भुआल होहिं यह साँची ॥
भामिनि करहु त कहउँ उपाऊ । हैं तुम्हरीं सेवा बस राऊ ॥

pūm̐cheu guninha rekha tinha khām̐cī | bharata bhuāla hohiṃ yaha sām̐cī ||
bhāmini karahu ta kahaum̐ upāū | haiṃ tumharīṃ sevā basa rāū ||