अध्याय 218: बृहस्पति इन्द्र को छल से रोकते हैं

बचन सुनत सुरगुरु मुसुकाने । सहस-नयन बिनु लोचन जाने ॥
मायापति-सेवक सन माया । करइ त उलटि परइ सुरराया ॥

bacana sunata suraguru musukāne | sahasa-nayana binu locana jāne ||
māyāpati-sevaka sana māyā | karai ta ulaṭi parai surarāyā ||

तब किछु कीन्ह राम-रुख जानी । अब कुचालि करि होइहि हानी ॥
सुनु सुरेस रघुनाथ सुभाऊ । निज अपराध रिसाहिँ न काऊ ॥

taba kichu kīnha rāma-rukha jānī | aba kucāli kari hoihi hānī ||
sunu suresa raghunātha subhāū | nija aparādha risāhim̐ na kāū ||

जो अपराध भगत कर करई । राम-रोष-पावक सो जरई ॥
लोकहु बेद बिदित इतिहासा । यह महिमा जानहिँ दुरबासा ॥

jo aparādha bhagata kara karaī | rāma-roṣa-pāvaka so jaraī ||
lokahu beda bidita itihāsā | yaha mahimā jānahim̐ durabāsā ||

भरत सरिस को राम-सनेही । जग जप राम राम जप जेही ॥

bharata sarisa ko rāma-sanehī | jaga japa rāma rāma japa jehī ||