अध्याय 217: इन्द्र को भाइयों के मिलन का भय

जड़ चेतन, मग जीव घनेरे । जे चितये प्रभु जिन्ह प्रभु हेरे ॥
ते सब भए परम-पद-जोगू । भरत-दरस मेटा भव रोगू ॥

jar̤a cetana, maga jīva ghanere | je citaye prabhu jinha prabhu here ||
te saba bhae parama-pada-jogū | bharata-darasa meṭā bhava rogū ||

यह बडि बात भरत कइ नाहीँ । सुमिरत जिनहि राम मन माहीॅ ॥
बारक राम कहत जग जेऊ । होत तरन तारन नर तेऊ ॥

yaha baḍi bāta bharata kai nāhīm̐ | sumirata jinahi rāma mana māhīॅ ||
bāraka rāma kahata jaga jeū | hota tarana tārana nara teū ||

भरत राम प्रिय पुनि लघु भ्राता । कस न होइ मग मङ्गल-दाता ॥
सिद्ध साधु मुनिबर अस कहहीॅ । भरतहि निरखि हरष हियँ लहहीॅ ॥

bharata rāma priya puni laghu bhrātā | kasa na hoi maga maṅgala-dātā ||
siddha sādhu munibara asa kahahīॅ | bharatahi nirakhi haraṣa hiyam̐ lahahīॅ ||

देखि प्रभाव सुरेसहि सोचू । जग भल भलेहि पोच कहँ पोचू ॥
गुरु सन कहेउ करिय प्रभु सोई । रामहि भरतहि भेँट न होई ॥

dekhi prabhāva suresahi socū | jaga bhala bhalehi poca kaham̐ pocū ||
guru sana kaheu kariya prabhu soī | rāmahi bharatahi bhem̐ṭa na hoī ||