अध्याय 213: मुनि भरत के सत्कार की आज्ञा देते हैं

सुनि मुनि बचन भरत हिय सोचू । भयउ कुअवसर कठिन सँकोचू ॥
जानि गरुइ गुरु गिरा बहोरी । चरन-बन्दि बोले कर जोरी ॥

suni muni bacana bharata hiya socū | bhayau kuavasara kaṭhina sam̐kocū ||
jāni garui guru girā bahorī | carana-bandi bole kara jorī ||

सिर धरि आयसु करिय तुम्हारा । परम धरम यह नाथ हमारा ॥
भरत बचन मुनिबर मन भाये । सुचि सेवक सिष निकट बोलाये ॥

sira dhari āyasu kariya tumhārā | parama dharama yaha nātha hamārā ||
bharata bacana munibara mana bhāye | suci sevaka siṣa nikaṭa bolāye ||

चाहिए कीन्हि भरत पहुनाई । कन्द मूल फल आनहु जाई ॥
भलेहि नाथ कहि तिन्ह सिर नाये । प्रमुदित निज निज काज सिधाये ॥

cāhie kīnhi bharata pahunāī | kanda mūla phala ānahu jāī ||
bhalehi nātha kahi tinha sira nāye | pramudita nija nija kāja sidhāye ||

मुनिहि सोच पाहुन बड़ नेवता । तसि पूजा चाहिय जस देवता ॥
सुनि रिधि सिधि अनिमादिक आई । आयसु होइ सो करहिँ गोसाई ॥

munihi soca pāhuna bar̤a nevatā | tasi pūjā cāhiya jasa devatā ||
suni ridhi sidhi animādika āī | āyasu hoi so karahim̐ gosāī ||