अध्याय 212: इस रोग की दवा राम का लौटना

एहि दुख दाहँ दहइ दिन छाती । भूख न बासर नीद न राती ॥
एहि कुरोग कर औषध नाहीॅ । सोधेउँ सकल विस्व मन माहीॅ ॥

ehi dukha dāham̐ dahai dina chātī | bhūkha na bāsara nīda na rātī ||
ehi kuroga kara auṣadha nāhīॅ | sodheum̐ sakala visva mana māhīॅ ||

मातु कुमत बढ़ई अघ-मूला । तेहिं हमार हित कीन्ह बँसूला ॥
कलि-कुकाठ कर कीन्ह कुजन्त्रू । गाडि अवध पढ़ि कठिन कुमंत्रु ॥

mātu kumata bar̤haī agha-mūlā | tehiṃ hamāra hita kīnha bam̐sūlā ||
kali-kukāṭha kara kīnha kujantrū | gāḍi avadha par̤hi kaṭhina kumaṃtru ||

मोहि लगि यह कुठाट तेहिं ठाटा । घालेसि सब जग बारहबाटा ॥
मिटइ कुजोग राम फिरि आये । बसइ अवध नहिँ आन उपाये ॥

mohi lagi yaha kuṭhāṭa tehiṃ ṭhāṭā | ghālesi saba jaga bārahabāṭā ||
miṭai kujoga rāma phiri āye | basai avadha nahim̐ āna upāye ||

भरत बचन सुनि मुनि सुख पाई । सबहिँ कीन्ह बहु भाँति बड़ाई ॥
तात करहु जनि सोच बिसेखी । सब दुख मिटहि राम-पग देखी ॥

bharata bacana suni muni sukha pāī | sabahim̐ kīnha bahu bhām̐ti bar̤āī ||
tāta karahu jani soca bisekhī | saba dukha miṭahi rāma-paga dekhī ||