अध्याय 208: राम रात भर भरत की सराहना करते रहे

से तुम्हार धन जीवन प्राना । भूरि-भाग को तुम्हहिँ समाना ॥
यह तुम्हार आचरजु न ताता । दसरथ-सूअन राम-प्रिय-भ्राता ॥

se tumhāra dhana jīvana prānā | bhūri-bhāga ko tumhahim̐ samānā ||
yaha tumhāra ācaraju na tātā | dasaratha-sūana rāma-priya-bhrātā ||

सुनहु भरत रघुबर मन माहीॅ । पेम पात्रु तुम्ह सम कोउ नाहीॅ ॥
लखन राम सीतहि अति प्रीती । निसि सब तुम्हहिँ सराहत बीती ॥

sunahu bharata raghubara mana māhīॅ | pema pātru tumha sama kou nāhīॅ ||
lakhana rāma sītahi ati prītī | nisi saba tumhahim̐ sarāhata bītī ||

जाना मरम नहात प्रयागा । मगन होहिॅ तुम्हरें अनुरागा ॥
तुम्ह पर अस सनेह रघुबर कें । सुख जीवन जग जस जड़ नर कें ॥

jānā marama nahāta prayāgā | magana hohiॅ tumhareṃ anurāgā ||
tumha para asa saneha raghubara keṃ | sukha jīvana jaga jasa jar̤a nara keṃ ||

यह न अधिक रघुबीर बड़ाई । प्रनत-कुटुम्ब-पाल रघुराई ॥
तुम्ह तौ भरत भार मत एहू । धरें देह जनु राम-सनेहू ॥

yaha na adhika raghubīra bar̤āī | pranata-kuṭumba-pāla raghurāī ||
tumha tau bharata bhāra mata ehū | dhareṃ deha janu rāma-sanehū ||