अध्याय 206: भरद्वाज मुनि का भरत से स्नेह

प्रमुदित तीरथराज-निवासी । बैषानस बटु गृही उदासी ॥
कहहिॅ परसपर मिलि दस पाँचा । भरत सनेह सीलु सुचि साँचा ॥

pramudita tīratharāja-nivāsī | baiṣānasa baṭu gṛhī udāsī ||
kahahiॅ parasapara mili dasa pām̐cā | bharata saneha sīlu suci sām̐cā ||

सुनत राम गुन ग्राम सुहाये । भरद्वाज मुनिबर पहिँ आये ॥
दंड प्रनाम करत मुनि देखे । मूरतिमंत भाग्य निज लेखे ॥

sunata rāma guna grāma suhāye | bharadvāja munibara pahim̐ āye ||
daṃḍa pranāma karata muni dekhe | mūratimaṃta bhāgya nija lekhe ||

धाइ उठाइ लाइ उर लीन्हे । दीन्हि असीस कृतारथॅ कीन्हे ॥
आसन दीन्ह नाइ सिर बैठे । चहत सकुच गृहँ जनु भजि पैठे ॥

dhāi uṭhāi lāi ura līnhe | dīnhi asīsa kṛtārathaॅ kīnhe ||
āsana dīnha nāi sira baiṭhe | cahata sakuca gṛham̐ janu bhaji paiṭhe ||

मुनि पूँछब कछु यह बड़ सोचू । बोले रिषि लखि सील सँकोचू ॥
सुनहु भरत हम सब सुधि पाई । विधि करतब पर किछु न बसाई ॥

muni pūm̐chaba kachu yaha bar̤a socū | bole riṣi lakhi sīla sam̐kocū ||
sunahu bharata hama saba sudhi pāī | vidhi karataba para kichu na basāī ||