अध्याय 205: त्रिवेणी की वाणी भरत को आशीष देती है

जानहु राम कुटिल करि मोही । लोग कहउ गुरु-साहिब-द्रोही ॥
सीता-राम-चरन रति मोरें । अनुदिन बढ़उ अनुग्रह तोरें ॥

jānahu rāma kuṭila kari mohī | loga kahau guru-sāhiba-drohī ||
sītā-rāma-carana rati moreṃ | anudina bar̤hau anugraha toreṃ ||

जलद जनम-भरि सुरति बिसारउ । जाचत जल पबि पाहन डारउ ॥
चातक-रटनि घटें घटि जाई । बढ़े प्रेम सब भाँति भलाई ॥

jalada janama-bhari surati bisārau | jācata jala pabi pāhana ḍārau ||
cātaka-raṭani ghaṭeṃ ghaṭi jāī | bar̤he prema saba bhām̐ti bhalāī ||

कनकहिं बान चढ़इ जिमि दाहें । तिमि प्रियतम-पद नेम निबाहें ॥
भरत बचन सुनि माँझ त्रिबेनी । भइ मृदु-बानि सुमङ्गल देनी ॥

kanakahiṃ bāna car̤hai jimi dāheṃ | timi priyatama-pada nema nibāheṃ ||
bharata bacana suni mām̐jha tribenī | bhai mṛdu-bāni sumaṅgala denī ||

तात भरत तुम्ह सब बिधि साधू । राम चरन अनुराग अगाधू ॥
बाद गलानि करहु मन माहीॅ । तुम्ह सम रामहि कोउ प्रिय नाहीॅ ॥

tāta bharata tumha saba bidhi sādhū | rāma carana anurāga agādhū ||
bāda galāni karahu mana māhīॅ | tumha sama rāmahi kou priya nāhīॅ ||