अध्याय 204: त्रिवेणी पर भरत का एक ही वर

झलका झलकत पायन्ह कैसे । पङ्कज-कोस ओस-कन जैसें ॥
भरत पयादेहिं आये आजू । भयउ दुखित सुनि सकल समाजू ॥

jhalakā jhalakata pāyanha kaise | paṅkaja-kosa osa-kana jaiseṃ ||
bharata payādehiṃ āye ājū | bhayau dukhita suni sakala samājū ||

खबरि लीन्ह सब लोग नहाये । कीन्ह प्रनाम त्रिबेनिहिं आये ॥
सबिधि सितासित-नीर नहाने । दिये दान महिसुर सनमाने ॥

khabari līnha saba loga nahāye | kīnha pranāma tribenihiṃ āye ||
sabidhi sitāsita-nīra nahāne | diye dāna mahisura sanamāne ||

देखत स्यामल-धवल हलोरे । पुलकि सरीर भरत कर जोरे ॥
सकल काम-प्रद तीरथराऊ । बेद-बिदित जग प्रगट प्रभाऊ ॥

dekhata syāmala-dhavala halore | pulaki sarīra bharata kara jore ||
sakala kāma-prada tīratharāū | beda-bidita jaga pragaṭa prabhāū ||

माँगउँ भीख त्यागि निज-धरमू । आरत काह न करइ कुकरमू ॥
अस जियँ जानि सुजान सुदानी । सफल करहिँ जग जाचक बानी ॥

mām̐gaum̐ bhīkha tyāgi nija-dharamū | ārata kāha na karai kukaramū ||
asa jiyam̐ jāni sujāna sudānī | saphala karahim̐ jaga jācaka bānī ||