अध्याय 203: भरत नंगे पाँव प्रयाग पहुँचते हैं

कियउ निषादनाथ अगुआईं । मातु पालकीं सकल चलाईं ॥
साथ बोलाइ भाइ लघु दीन्हा । बिप्रन्ह सहित गवन गुरु कीन्हा ॥

kiyau niṣādanātha aguāīṃ | mātu pālakīṃ sakala calāīṃ ||
sātha bolāi bhāi laghu dīnhā | bipranha sahita gavana guru kīnhā ||

आपु सुरसरिहि कीन्ह प्रनामू । सुमिरे लखन सहित सिय-रामू ॥
गवने भरत पयोदेहिं पाये । कोतल सङ्गजाहि डोरि आये ॥

āpu surasarihi kīnha pranāmū | sumire lakhana sahita siya-rāmū ||
gavane bharata payodehiṃ pāye | kotala saṅgajāhi ḍori āye ||

कहहिॅ सुसेवक बारहिँ बारा । होइअ नाथ अस्व असवारा ॥
राम पयोदेहि-पायँ सिधाये । हम कहँ रथ गज बाजि बनाये ॥

kahahiॅ susevaka bārahim̐ bārā | hoia nātha asva asavārā ||
rāma payodehi-pāyam̐ sidhāye | hama kaham̐ ratha gaja bāji banāye ||

सिर भर जाउँ उचित अस मोरा । सब तें सेवक-धरम कठोरा ॥
देखि भरत-गति सुनि मृदु बानी । सब सेवक-गन गरहिॅ गलानी ॥

sira bhara jāum̐ ucita asa morā | saba teṃ sevaka-dharama kaṭhorā ||
dekhi bharata-gati suni mṛdu bānī | saba sevaka-gana garahiॅ galānī ||