अध्याय 197: गंगा स्नान और भरत की प्रार्थना

सृंगबेरपुर भरत दीख जब । भे सनेहँ-बस अङ्ग सिथिल तब ॥
सोहत दिये निषादहि लागू । जनु तनु धरें बिनय अनुरागू ॥

sṛṃgaberapura bharata dīkha jaba | bhe saneham̐-basa aṅga sithila taba ||
sohata diye niṣādahi lāgū | janu tanu dhareṃ binaya anurāgū ||

एहि बिधि भरत सेन सब सङ्गा । दीख जाइ जग-पावनि गङ्गा ॥
रामघाट कहँ कीन्ह प्रनामू । भा मन मगन मिले जनु रामू ॥

ehi bidhi bharata sena saba saṅgā | dīkha jāi jaga-pāvani gaṅgā ||
rāmaghāṭa kaham̐ kīnha pranāmū | bhā mana magana mile janu rāmū ||

करहिँ प्रनाम नगर नर-नारी । मुदित ब्रह्म-मय बारि निहारी ॥
करि मज्जनु मागहिं कर जोरी । रामचन्द्र-पद प्रीति न थोरी ॥

karahim̐ pranāma nagara nara-nārī | mudita brahma-maya bāri nihārī ||
kari majjanu māgahiṃ kara jorī | rāmacandra-pada prīti na thorī ||

भरत कहेउ सुरसरि तव रेनू । सकल सुखद सेवक सुरधेनू ॥
जोरि पानि बर माँगउँ एहू । सीय राम पद सहज सनेहू ॥

bharata kaheu surasari tava renū | sakala sukhada sevaka suradhenū ||
jori pāni bara mām̐gaum̐ ehū | sīya rāma pada sahaja sanehū ||