अध्याय 194: राम नाम से नीच भी पावन

भेँटत भरत ताहि अति प्रीती । लोग सिहाहिँ प्रेम के रीती ॥
धन्य धन्य धुनि मङ्गल-मूला । सुर सराहि तेहि बरिसहिँ फूला ॥

bhem̐ṭata bharata tāhi ati prītī | loga sihāhim̐ prema ke rītī ||
dhanya dhanya dhuni maṅgala-mūlā | sura sarāhi tehi barisahim̐ phūlā ||

लोक बेद सब भाँतिहिं नीचा । जासु छाँह छुइ लेइअ सीॅचा ॥
तेहि भरि अङ्क राम लघु भ्राता । मिलत पुलक परिपूरित गाता ॥

loka beda saba bhām̐tihiṃ nīcā | jāsu chām̐ha chui leia sīॅcā ||
tehi bhari aṅka rāma laghu bhrātā | milata pulaka paripūrita gātā ||

राम राम कहि जे जमुहाहीॅ । तिन्हहिँ न पाप-पुञ्ज समुहाहीॅ ॥
यह तो राम लाइ उर लीन्हा । कुल समेत जग पावन कीन्हा ॥

rāma rāma kahi je jamuhāhīॅ | tinhahim̐ na pāpa-puñja samuhāhīॅ ||
yaha to rāma lāi ura līnhā | kula sameta jaga pāvana kīnhā ||

करमनास जल सुरसरि परई । तेहि को कहहु सीस नहिँ धरई ॥
उलटा नाम जपत जग जाना । बालमीकि भये ब्रह्म समाना ॥

karamanāsa jala surasari paraī | tehi ko kahahu sīsa nahim̐ dharaī ||
ulaṭā nāma japata jaga jānā | bālamīki bhaye brahma samānā ||