अध्याय 19: दासता और बन्दीगृह की भविष्यवाणी

भावी बस प्रतीति उर आई । पूँछ रानि पुनि सपथ देवाई ॥
का पूछहु तुम्ह अबहुँ न जाना । निज हित अनहित पसु पहिचाना ॥

bhāvī basa pratīti ura āī | pūm̐cha rāni puni sapatha devāī ||
kā pūchahu tumha abahum̐ na jānā | nija hita anahita pasu pahicānā ||

भयउ पाख-दिन सजत समाजू । तुम्ह पाई सुधि मोहि सन आजू ॥
खाइअ पहिरिअ राज तुम्हारें । सत्य कहें नहिँ दोष हमारें ॥

bhayau pākha-dina sajata samājū | tumha pāī sudhi mohi sana ājū ||
khāia pahiria rāja tumhāreṃ | satya kaheṃ nahim̐ doṣa hamāreṃ ||

जौँ असत्य कछु कहब बनाई । तो बिधि देइहि हमहिँ सजाई ॥
रामहिँ तिलक कालि जौं भयऊ । तुम्ह कहँ बिपति-बीज बिधि बयऊ ॥

jaum̐ asatya kachu kahaba banāī | to bidhi deihi hamahim̐ sajāī ||
rāmahim̐ tilaka kāli jauṃ bhayaū | tumha kaham̐ bipati-bīja bidhi bayaū ||

रेख खँचाइ कहउँ बल भाखी । भामिनि भइहु दूध कै माखी ॥
जौँ सुत सहित करहु सेवकाई । तौ घर रहहु न आन उपाई ॥

rekha kham̐cāi kahaum̐ bala bhākhī | bhāmini bhaihu dūdha kai mākhī ||
jaum̐ suta sahita karahu sevakāī | tau ghara rahahu na āna upāī ||