अध्याय 18: कौसल्या की चतुराई का आरोप

चतुर गँभीर राम-महँतारी । बीच पाइ निज बात सँवारी ॥
पठये भरत भूप ननिअउरें । राम-मातु मत जानब रउरें ॥

catura gam̐bhīra rāma-maham̐tārī | bīca pāi nija bāta sam̐vārī ||
paṭhaye bharata bhūpa naniaureṃ | rāma-mātu mata jānaba raureṃ ||

सेवहिं सकल सवति मोहि नीकें । गरबित भरत-मातु बल पी कें ॥
साल तुम्हार कौसिलहि माई । कपट चतुर नहिँ परइ जनाई ॥

sevahiṃ sakala savati mohi nīkeṃ | garabita bharata-mātu bala pī keṃ ||
sāla tumhāra kausilahi māī | kapaṭa catura nahim̐ parai janāī ||

राजहि तुम्ह पर प्रेम बिसेखी । सवति सुभाउ सकइ नहिँ देखी ॥
रचि प्रपञ्च भूपहि अपनाई । राम-तिलक-हित लगन धराई ॥

rājahi tumha para prema bisekhī | savati subhāu sakai nahim̐ dekhī ||
raci prapañca bhūpahi apanāī | rāma-tilaka-hita lagana dharāī ||

यह कुल उचित राम कहँ टीका । सबहि सोहाइ मोहि सुठि नीका ॥
आगिल बात समुझि डर मोही । देउ दैव फिरि सो फल ओही ॥

yaha kula ucita rāma kaham̐ ṭīkā | sabahi sohāi mohi suṭhi nīkā ||
āgila bāta samujhi ḍara mohī | deu daiva phiri so phala ohī ||