अध्याय 188: भरत पैदल चलते हैं, माता का आग्रह

राम दरस बस सब नर नारी । जनु करि करिनि चले तकि बारी ॥
बन सिय-राम समुझि मन माहीं । सानुज भरत पयादेहिं जाहीँ ॥

rāma darasa basa saba nara nārī | janu kari karini cale taki bārī ||
bana siya-rāma samujhi mana māhīṃ | sānuja bharata payādehiṃ jāhīm̐ ||

देखि सनेह लोग अनुरागे । उतरि चले हय गय रथ, त्यागे ॥
जाइ समीप राखि निज डोली । राम मातु मृदु बानी बोली ॥

dekhi saneha loga anurāge | utari cale haya gaya ratha, tyāge ||
jāi samīpa rākhi nija ḍolī | rāma mātu mṛdu bānī bolī ||

तात चढ़हु रथ बलि महतारी । होइहि प्रिय परिवार दुखारी ॥
तुम्हरें चलत चलिहि सब लोगू । सकल सोक कृस नहिँ मग जो ॥

tāta car̤hahu ratha bali mahatārī | hoihi priya parivāra dukhārī ||
tumhareṃ calata calihi saba logū | sakala soka kṛsa nahim̐ maga jo ||

सिर धरि बचन चरन सिरु नाई । रथ चढ़ि चलत भये दोउ भाई ॥
तमसा प्रथम दिवस करि बासू । दूसर गोमति तीर निवासू ॥

sira dhari bacana carana siru nāī | ratha car̤hi calata bhaye dou bhāī ||
tamasā prathama divasa kari bāsū | dūsara gomati tīra nivāsū ||