अध्याय 186: भरत राम की सम्पत्ति की रखवाली कराते हैं

घर घर साजहिं बाहन नाना । हरष हृदयँ परभात पयाना ॥
भरत जाइ घर कीन्ह बिचारू । नगर बाजि गज भवन भंडारू ॥

ghara ghara sājahiṃ bāhana nānā | haraṣa hṛdayam̐ parabhāta payānā ||
bharata jāi ghara kīnha bicārū | nagara bāji gaja bhavana bhaṃḍārū ||

सम्पति सब रघुपति के आही । जौं बिनु जतन चलौं-तजि ताही ॥
तौ परिनाम न मोरि भलाई । पाप सिरोमनि साइँ दोहाई ॥

sampati saba raghupati ke āhī | jauṃ binu jatana calauṃ-taji tāhī ||
tau parināma na mori bhalāī | pāpa siromani sāim̐ dohāī ||

करइ स्वामि हित सेवक सोई । दूषन कोटि देइ किन कोई ॥
अस बिचारि सुचि सेवक बोले । जे सपनेहुँ निज धरम न डोले ॥

karai svāmi hita sevaka soī | dūṣana koṭi dei kina koī ||
asa bicāri suci sevaka bole | je sapanehum̐ nija dharama na ḍole ||

कहि सब मरम धरम भल भाषा । जो जेहि लायक सो तेहिं राखा ॥
करि सब जतन राखि रखवारे । राम-मातु पहिँ भरतु सिधारे ॥

kahi saba marama dharama bhala bhāṣā | jo jehi lāyaka so tehiṃ rākhā ||
kari saba jatana rākhi rakhavāre | rāma-mātu pahim̐ bharatu sidhāre ||