अध्याय 181: भरत का उत्तर, सबके स्नेह को मान

कैकइ सुअन जोग जग जोई । चतुर बिरञ्चि दीन्ह मोहि सोई ॥
दसरथ तनय राम लघु भाई । दीन्हि मोहि विधि बादि बड़ाई ॥

kaikai suana joga jaga joī | catura birañci dīnha mohi soī ||
dasaratha tanaya rāma laghu bhāī | dīnhi mohi vidhi bādi bar̤āī ||

तुम्ह सब कहहु कढ़ावन टीका । राय-रजायसु सब कहँ नीका ॥
उतर देउँ केहि बिधि केहि केही । कहहु सुखेन जथा रुचि जेही ॥

tumha saba kahahu kar̤hāvana ṭīkā | rāya-rajāyasu saba kaham̐ nīkā ||
utara deum̐ kehi bidhi kehi kehī | kahahu sukhena jathā ruci jehī ||

मोहि कुमातु समेत बिहाई । कहहु कहिहि के कीन्ह भलाई ॥
मो बिनु को सचराचर माहीं । जेहि सिय रामु प्रानप्रिय नाहीँ ॥

mohi kumātu sameta bihāī | kahahu kahihi ke kīnha bhalāī ||
mo binu ko sacarācara māhīṃ | jehi siya rāmu prānapriya nāhīm̐ ||

परम-हानि सब कहँ बड़ लाहू । अदिन मोर नहिं दूषन काहू ॥
संसय-सील प्रेम बस अहहू । सबइ उचित सब जो कछु कहहू ॥

parama-hāni saba kaham̐ bar̤a lāhū | adina mora nahiṃ dūṣana kāhū ||
saṃsaya-sīla prema basa ahahū | sabai ucita saba jo kachu kahahū ||