अध्याय 174: वसिष्ठ कहते हैं, पिता का वचन निभाओ

सब प्रकार भूपति बड़भागी । बादि बिषाद करिय तेहि लागी ॥
यह सुनि समुझि सोच परिहरहू । सिर धरि राज-रजायसु करहू ॥

saba prakāra bhūpati bar̤abhāgī | bādi biṣāda kariya tehi lāgī ||
yaha suni samujhi soca pariharahū | sira dhari rāja-rajāyasu karahū ||

राँय राजपदु तुम्ह कहूँ दीन्हा । पिता-बचन फुर चाहिय कीन्हा ॥
तजे राम जेहिं बचनहि लागी । तनु परिहरेउ राम-बिरहागी ॥

rām̐ya rājapadu tumha kahūm̐ dīnhā | pitā-bacana phura cāhiya kīnhā ||
taje rāma jehiṃ bacanahi lāgī | tanu parihareu rāma-birahāgī ||

नृपहि बचन-प्रिय नहिँ प्रिय प्राना । करहु तात पितु-बचन प्रवाना ॥
करहु सीस धरि भूप-रजाई । हइ तुम्ह कहँ सब भाँति भलाई ॥

nṛpahi bacana-priya nahim̐ priya prānā | karahu tāta pitu-bacana pravānā ||
karahu sīsa dhari bhūpa-rajāī | hai tumha kaham̐ saba bhām̐ti bhalāī ||

परसुराम पितु अज्ञा राखी । मारी मातु लोक सब साखी ॥
तनय जजातिहि जौबनु दयऊ । पितु-अज्ञा अघ-अजस न भयऊ ॥

parasurāma pitu ajñā rākhī | mārī mātu loka saba sākhī ||
tanaya jajātihi jaubanu dayaū | pitu-ajñā agha-ajasa na bhayaū ||