अध्याय 173: दशरथ जैसा राजा न हुआ न होगा

बैषानस सोइ सोचै जोगु । तप बिहाइ जेहि भावइ भोगू ॥
सोचिअ पिसुन अकारन-क्रोधी । जननि जनक गुर बन्धु बिरोधी ॥

baiṣānasa soi socai jogu | tapa bihāi jehi bhāvai bhogū ||
socia pisuna akārana-krodhī | janani janaka gura bandhu birodhī ||

सब बिधि सोचिअ पर-अपकारी । निज-तनु-पोषक निरदय भारी ॥
सोचनीय सबही विधि सोई । जो न छाडि छल हरिजन हाई ॥

saba bidhi socia para-apakārī | nija-tanu-poṣaka niradaya bhārī ||
socanīya sabahī vidhi soī | jo na chāḍi chala harijana hāī ||

सोचनीय नहिँ कोसलराऊ । भुवन चारि दस प्रगट प्रभाऊ ॥
भयउ न अहइ न अब होनिहारा । भूप भरत जस पिता तुम्हारा ॥

socanīya nahim̐ kosalarāū | bhuvana cāri dasa pragaṭa prabhāū ||
bhayau na ahai na aba honihārā | bhūpa bharata jasa pitā tumhārā ||

बिधि हरि हरु सुरपति दिसिनाथा । बरनहिँ सब दसरथ गुन-गाथा ॥

bidhi hari haru surapati disināthā | baranahim̐ saba dasaratha guna-gāthā ||