अध्याय 165: कौसल्या भरत को राम मानकर धीरज देती हैं

सरल सुभाय मायँ हियँ लाये । अति हित मनहुँ राम फिरि आये ॥
भेंटेउ बहुरि लखन-लघु-भाई । सोक-सनेह न हृदयँ समाई ॥

sarala subhāya māyam̐ hiyam̐ lāye | ati hita manahum̐ rāma phiri āye ||
bheṃṭeu bahuri lakhana-laghu-bhāī | soka-saneha na hṛdayam̐ samāī ||

देखि सुभाउ कहत सब कोई । राम-मातु अस काहे न होई ॥
माताँ भरत गोद बैठारे । आँसु पौंछि मृदु बचन उचारे ॥

dekhi subhāu kahata saba koī | rāma-mātu asa kāhe na hoī ||
mātām̐ bharata goda baiṭhāre | ām̐su pauṃchi mṛdu bacana ucāre ||

अजहुँ बच्छ बलि धीरज धरहू । कुसमउ समुझि सोक परिहरहू ॥
जनि मानहु हियँ हानि गलानी । काल-करम-गति अघटित जानी ॥

ajahum̐ baccha bali dhīraja dharahū | kusamau samujhi soka pariharahū ||
jani mānahu hiyam̐ hāni galānī | kāla-karama-gati aghaṭita jānī ||

काहुहि दोस देहु जनि ताता । भा मोहि सब विधि बाम बिधाता ॥
जो एतेहुँ दुख मोहि जिआवा । अजहुँ को जानइ का तेहि भावा ॥

kāhuhi dosa dehu jani tātā | bhā mohi saba vidhi bāma bidhātā ||
jo etehum̐ dukha mohi jiāvā | ajahum̐ ko jānai kā tehi bhāvā ||