अध्याय 160: भरत को पिता के देहान्त का समाचार

तात बात मैं सकल सँवारी । भइ मन्थरा सहाय बिचारी ॥
कछुक काज बिधि बीच बिगारेउ । भूपति सुरपति-पुर पगु धारेउ ॥

tāta bāta maiṃ sakala sam̐vārī | bhai mantharā sahāya bicārī ||
kachuka kāja bidhi bīca bigāreu | bhūpati surapati-pura pagu dhāreu ||

सुनत भरत भये बिबस बिषादा । जनु सहमेउ करि केहरि नादा ॥
तात तात हा तात पुकारी । परे भूमितल ब्याकुल भारी ॥

sunata bharata bhaye bibasa biṣādā | janu sahameu kari kehari nādā ||
tāta tāta hā tāta pukārī | pare bhūmitala byākula bhārī ||

चलत न देखन पायउँ तोही । तात न रामहि सौंपेहु मोही ॥
बहुरि धीर धरि उठे सँभारी । कहु पितु मरन हेतु महतारी ॥

calata na dekhana pāyaum̐ tohī | tāta na rāmahi sauṃpehu mohī ||
bahuri dhīra dhari uṭhe sam̐bhārī | kahu pitu marana hetu mahatārī ||

सुनि सुत बचन कहति कैकेई । मरम पाँछि जनु माहुर देई ॥
आदिहु तेँ सब आपनि करनी । कुटिल कठोर मुदित मन बरनी ॥

suni suta bacana kahati kaikeī | marama pām̐chi janu māhura deī ||
ādihu tem̐ saba āpani karanī | kuṭila kaṭhora mudita mana baranī ||