अध्याय 153: नाव पार गई, दशरथ गिर पड़े

तेहि अवसर रघुबर-रुख पाई । केवट पारहि नाव चलाई ॥
रघुकुल-तिलक चले एहि भाँती । देखउँ ठाढ़ कुलिस धरि छाती ॥

tehi avasara raghubara-rukha pāī | kevaṭa pārahi nāva calāī ||
raghukula-tilaka cale ehi bhām̐tī | dekhaum̐ ṭhār̤ha kulisa dhari chātī ||

मैं आपन किमि कहउँ कलेसू । जियत फिरेउँ लेइ राम सँदेसू ॥
अस कहि सचिव बचन रहि गयऊ । हानि-गलानि-सोच-बस भयऊ ॥

maiṃ āpana kimi kahaum̐ kalesū | jiyata phireum̐ lei rāma sam̐desū ||
asa kahi saciva bacana rahi gayaū | hāni-galāni-soca-basa bhayaū ||

सुत बचन सुनतहिं नरनाहू । परेउ-धरनि उर दारुन दाहू ॥
तलफत बिषम-मोह मन मापा । माजा मनहुँ मीन कहँ ब्यापा ॥

suta bacana sunatahiṃ naranāhū | pareu-dharani ura dāruna dāhū ||
talaphata biṣama-moha mana māpā | mājā manahum̐ mīna kaham̐ byāpā ||

करि बिलाप सब रोवहिं रानी । महा बिपति किमि जाइ बखानी ॥
सुनि बिलाप दुखहू दुख लागा । धीरजहू कर धीरज भागा ॥

kari bilāpa saba rovahiṃ rānī | mahā bipati kimi jāi bakhānī ||
suni bilāpa dukhahū dukha lāgā | dhīrajahū kara dhīraja bhāgā ||