अध्याय 150: सुमन्त्र का धैर्य का उपदेश और वृत्तान्त

पुनि पुनि पूछत मंत्रहि राऊ । प्रियतम सुअन सँदेस सुनाऊ ॥
करहि सखा सोइ बेगि उपाऊ । राम-लखन-सिय नयन देखाऊ ॥

puni puni pūchata maṃtrahi rāū | priyatama suana sam̐desa sunāū ||
karahi sakhā soi begi upāū | rāma-lakhana-siya nayana dekhāū ||

सचिव धीर धरि कह मृदु बानी । महाराज तुम्ह पंडित ज्ञानी ॥
बीर सुधीर-धुरन्धर देवा । साधु-समाज सदा तुम्ह सेवा ॥

saciva dhīra dhari kaha mṛdu bānī | mahārāja tumha paṃḍita jñānī ||
bīra sudhīra-dhurandhara devā | sādhu-samāja sadā tumha sevā ||

जनम मरन सब दुख-भोगा । हानि लाभ प्रिय-मिलन बियोगा ॥
काल-करम बस होहिं गोसाँई । बरबस राति दिवस की नाँई ॥

janama marana saba dukha-bhogā | hāni lābha priya-milana biyogā ||
kāla-karama basa hohiṃ gosām̐ī | barabasa rāti divasa kī nām̐ī ||

सुख हरषहिँ जड़ दुख बिलखाहीं । दोउ सम धीर धरहिँ मन माहीं ॥
धीरज धरहु बिबेक बिचारी । छाड़िअ सोच सकल-हितकारी ॥

sukha haraṣahim̐ jar̤a dukha bilakhāhīṃ | dou sama dhīra dharahim̐ mana māhīṃ ||
dhīraja dharahu bibeka bicārī | chār̤ia soca sakala-hitakārī ||