अध्याय 149: राजा की विनती, मुझे राम तक ले चलो

भूप सुमन्त्र लीन्ह उर लाई । बूड़त कछु अधार जनु पाई ॥
सहित सनेह निकट बैठारी । पूछत राउ नयन भरि बारी ॥

bhūpa sumantra līnha ura lāī | būr̤ata kachu adhāra janu pāī ||
sahita saneha nikaṭa baiṭhārī | pūchata rāu nayana bhari bārī ||

राम कुसल कहु सखा-सनेही । कहँ रघुनाथु लखन बैदेही ॥
आने फेरि कि बनहिँ सिधाये । सुनत सचिव लोचन जल छाये ॥

rāma kusala kahu sakhā-sanehī | kaham̐ raghunāthu lakhana baidehī ||
āne pheri ki banahim̐ sidhāye | sunata saciva locana jala chāye ||

सोक बिकल पुनि पूँछ नरेसू । कहु सिय राम लखन संदेसू ॥
राम-रूप-गुन-सील-सुभाऊ । सुमिरि सुमिरि उर सोचत राऊ ॥

soka bikala puni pūm̐cha naresū | kahu siya rāma lakhana saṃdesū ||
rāma-rūpa-guna-sīla-subhāū | sumiri sumiri ura socata rāū ||

राज सुनाइ दीन्ह बन-बासू । सुनि मन भयउ न हरष हराँसू ॥
सो सुत बिछुरत गये न प्राना । को पापी बड़ मोहि समाना ॥

rāja sunāi dīnha bana-bāsū | suni mana bhayau na haraṣa harām̐sū ||
so suta bichurata gaye na prānā | ko pāpī bar̤a mohi samānā ||