अध्याय 143: शोक से भरा रथ अवध की ओर

धरि धीरज तब कहइ निषादू । अब सुमन्त्र परिहरहु बिषादू ॥
तुम्ह पंडित परमारथ-ज्ञाता । धरहु धीर लखि बिमुख बिधाता ॥

dhari dhīraja taba kahai niṣādū | aba sumantra pariharahu biṣādū ||
tumha paṃḍita paramāratha-jñātā | dharahu dhīra lakhi bimukha bidhātā ||

विविध कथा कहि कहि मृदु बानी । रथ बैठारेउ बरबस आनी ॥
सोक-सिथिल रथ सकइ न हाँकी । रघुबर-बिरह-पीर उर बाँकी ॥

vividha kathā kahi kahi mṛdu bānī | ratha baiṭhāreu barabasa ānī ||
soka-sithila ratha sakai na hām̐kī | raghubara-biraha-pīra ura bām̐kī ||

चरफराहिँ मग चलहिँ न घोरे । बन-मृग मनहुँ आनि रथ जोरे ॥
अढ़ुकि परहिँ फिरि हेरहिं पीछें । राम-बियोग बिकल दुख तीछें ॥

carapharāhim̐ maga calahim̐ na ghore | bana-mṛga manahum̐ āni ratha jore ||
ar̤huki parahim̐ phiri herahiṃ pīcheṃ | rāma-biyoga bikala dukha tīcheṃ ||

जो कह राम लखन बैदेही । हिंकरि हिंकरि हित हेरहिं तेही ॥
बाजि-बिरह-गति कहि किमि जाती । बिनु मनि फनिक बिकल जेहि भाँती ॥

jo kaha rāma lakhana baidehī | hiṃkari hiṃkari hita herahiṃ tehī ||
bāji-biraha-gati kahi kimi jātī | binu mani phanika bikala jehi bhām̐tī ||