अध्याय 134: देवताओं और मुनियों का श्रीराम से मिलन

अमर नाग किन्नर दिसिपाला । चित्रकूट आये तेहि काला ॥
राम प्रनाम कीन्ह सब काहू । मुदित देव लहि लोचन लाहू ॥

amara nāga kinnara disipālā | citrakūṭa āye tehi kālā ||
rāma pranāma kīnha saba kāhū | mudita deva lahi locana lāhū ||

बरषि सुमन कह देव-समाजू । नाथ सनाथ भए हम आजू ॥
करि बिनती दुख दुसह सुनाये । हरषित निज निज सदन सिधाये ॥

baraṣi sumana kaha deva-samājū | nātha sanātha bhae hama ājū ||
kari binatī dukha dusaha sunāye | haraṣita nija nija sadana sidhāye ||

चित्रकूट रघुनन्दन छाये । समाचार सुनि सुनि मुनि आये ॥
आवत देखि मुदित मुनि-वृन्दा । कीन्ह दंडवत रघुकुल-चन्दा ॥

citrakūṭa raghunandana chāye | samācāra suni suni muni āye ||
āvata dekhi mudita muni-vṛndā | kīnha daṃḍavata raghukula-candā ||

मुनि रघुबरहि लाइ उर लेहीं । सुफल होन हित आसिष देहीं ॥
सिय-सौमित्र राम छबि देखहिं । साधन सकल सफल करि लेखहिं ॥

muni raghubarahi lāi ura lehīṃ | suphala hona hita āsiṣa dehīṃ ||
siya-saumitra rāma chabi dekhahiṃ | sādhana sakala saphala kari lekhahiṃ ||