अध्याय 40: पम्पा सरोवर के तट की शोभा

बिकसे सरसिज नाना रङ्गा । मधुर मुखर गुञ्जत बहु भृङ्गा ॥
बोलत जलकुक्कुट कलहंसा । प्रभु बिलोकि जनु करत प्रसंसा ॥

bikase sarasija nānā raṅgā | madhura mukhara guñjata bahu bhṛṅgā ||
bolata jalakukkuṭa kalahaṃsā | prabhu biloki janu karata prasaṃsā ||

चक्रवाक बक खग समुदाई । देखत बनइ बरनि नहिं जाई ॥
सुन्दर खग-गन गिरा सुहाई । जात पथिक जनु लेत बोलाई ॥

cakravāka baka khaga samudāī | dekhata banai barani nahiṃ jāī ||
sundara khaga-gana girā suhāī | jāta pathika janu leta bolāī ||

ताल समीप मुनिन्ह गृह छाये । चहुँ दिसि कानन बिटप सुहाये ॥
चम्पक बकुल कदंब तमाला । पाटल पनस परास रसाला ॥

tāla samīpa muninha gṛha chāye | cahum̐ disi kānana biṭapa suhāye ||
campaka bakula kadaṃba tamālā | pāṭala panasa parāsa rasālā ||

नव पल्लव कुसुमित तरु नाना । चंचरीक-पटली कर गाना ॥
सीतल मन्द सुगन्ध सुभाऊ । सन्तत बहइ मनोहर बाऊ ॥

nava pallava kusumita taru nānā | caṃcarīka-paṭalī kara gānā ||
sītala manda sugandha subhāū | santata bahai manohara bāū ||

कुहू कुहू कोकिल धुनि करहीँ । सुनि रव सरस ध्यान मुनि टरहीं ॥

kuhū kuhū kokila dhuni karahīm̐ | suni rava sarasa dhyāna muni ṭarahīṃ ||