अध्याय 37: वसन्त के वन में श्रीराम का विरह

चले राम त्यागा बन सोऊ । अतुलित बल नर केहरि दोऊ ॥
बिरही इव प्रभु करत बिषादा । कहत कथा अनेक संबादा ॥

cale rāma tyāgā bana soū | atulita bala nara kehari doū ||
birahī iva prabhu karata biṣādā | kahata kathā aneka saṃbādā ||

लछिमन देखु विपिन कै सोभा । देखत केहि कर मन नहिं छोभा ॥
नारि सहित सब खग-मृग-बृन्दा । मानहुँ मोरि करत हहिँ निन्दा ॥

lachimana dekhu vipina kai sobhā | dekhata kehi kara mana nahiṃ chobhā ||
nāri sahita saba khaga-mṛga-bṛndā | mānahum̐ mori karata hahim̐ nindā ||

हमहि देखि मृग-निकर पराहीं । मृगीं कहहिँ तुम्ह कहँ भय नाहीं ॥
तुम्ह आनन्द करहु मृग-जाये । कञ्चन मृग खोजन ये आये ॥

hamahi dekhi mṛga-nikara parāhīṃ | mṛgīṃ kahahim̐ tumha kaham̐ bhaya nāhīṃ ||
tumha ānanda karahu mṛga-jāye | kañcana mṛga khojana ye āye ||

सङ्ग लाइ करिनीं कर लेहीं । मानहुँ मोहि सिखावन देहीं ॥
सास्त्र सुचिन्तित पुनि पुनि देखिय । भूप सुसेबित बस नहिँ लेखिअ ॥

saṅga lāi karinīṃ kara lehīṃ | mānahum̐ mohi sikhāvana dehīṃ ||
sāstra sucintita puni puni dekhiya | bhūpa susebita basa nahim̐ lekhia ||

राखिअ नारि जदपि उर माहीँ । जुबती सास्त्र नृपति बस नाहीं ॥
देखहु तात बसन्त सुहावा । प्रिया-हीन मोहि भय उपजावा ॥

rākhia nāri jadapi ura māhīm̐ | jubatī sāstra nṛpati basa nāhīṃ ||
dekhahu tāta basanta suhāvā | priyā-hīna mohi bhaya upajāvā ||