अध्याय 25: मारीच रावण को राम से वैर से रोकता है

दसमुख सकल कथा तेहि आगें । कही सहित अभिमान अभागें ॥
होहु कपट-मृग तुम्ह छलकारी । जेहि बिधि हरि आनउँ नृप नारी ॥

dasamukha sakala kathā tehi āgeṃ | kahī sahita abhimāna abhāgeṃ ||
hohu kapaṭa-mṛga tumha chalakārī | jehi bidhi hari ānaum̐ nṛpa nārī ||

तेहिं पुनि कहा सुनहु दससीसा । ते नररुप चराचर-ईसा ॥
ता सोँ तात बयर नहिँ कीजै । मारें मरिअ जिआये जीजै ॥

tehiṃ puni kahā sunahu dasasīsā | te nararupa carācara-īsā ||
tā som̐ tāta bayara nahim̐ kījai | māreṃ maria jiāye jījai ||

मुनि मख राखन गयउ कुमारा । बिनु फर सर रघुपति मोहि मारा ॥
सत जोजन आयउँ छन माहीं । तिन्ह सन बयर किये भल नाहीँ ॥

muni makha rākhana gayau kumārā | binu phara sara raghupati mohi mārā ||
sata jojana āyaum̐ chana māhīṃ | tinha sana bayara kiye bhala nāhīm̐ ||

भइ मम कीट भृङ्ग की नाई । जहँ तहँ मैँ देखउँ दोउ मोई ॥
जौँ नर तात तदपि अति सूरा । तिन्हहिँ बिरोधि न आइहि पूरा ॥

bhai mama kīṭa bhṛṅga kī nāī | jaham̐ taham̐ maim̐ dekhaum̐ dou moī ||
jaum̐ nara tāta tadapi ati sūrā | tinhahim̐ birodhi na āihi pūrā ||