अध्याय 24: सीता अग्नि में, उनकी छाया कुटी में

सुनहु प्रिया व्रत रुचिर सुसीला । मैं कछु करब ललित नर लीला ॥
तुम्ह पावक महँ करहु निवासा । जौँ लगि करउँ निसाचर नासा ॥

sunahu priyā vrata rucira susīlā | maiṃ kachu karaba lalita nara līlā ||
tumha pāvaka maham̐ karahu nivāsā | jaum̐ lagi karaum̐ nisācara nāsā ||

जबहिँ राम सब कहा बखानी । प्रभु पद धरि हियँ अनल समानी ॥
निज प्रतिबिम्ब राखि तहँ सीता । तैसइ सील रूप सुबिनीता ॥

jabahim̐ rāma saba kahā bakhānī | prabhu pada dhari hiyam̐ anala samānī ||
nija pratibimba rākhi taham̐ sītā | taisai sīla rūpa subinītā ||

लछिमनहूँ यह मरम न जाना । जो कछु चरित रचा भगवाना ॥
दसमुख गयउ जहाँ मारीचा । नाइ माथ स्वारथ रत नीचा ॥

lachimanahūm̐ yaha marama na jānā | jo kachu carita racā bhagavānā ||
dasamukha gayau jahām̐ mārīcā | nāi mātha svāratha rata nīcā ||

नवनि नीच के अति दुखदाई । जिमि अङ्कुस धनु उरग बिलाई ॥
भय-दायक खल के प्रिय बानी । जिमि अकाल के कुसुम भवानी ॥

navani nīca ke ati dukhadāī | jimi aṅkusa dhanu uraga bilāī ||
bhaya-dāyaka khala ke priya bānī | jimi akāla ke kusuma bhavānī ||