अध्याय 23: रावण का हरि से वैर ठानने का निश्चय

सुर नर असुर नाग खग माहीं । मोरे अनुचर कहँ कोउ नाहीँ ॥
खर दूषन मोहि सम बलवंता । तिन्हहिँ को मारइ बिनु भगवन्ता ॥

sura nara asura nāga khaga māhīṃ | more anucara kaham̐ kou nāhīm̐ ||
khara dūṣana mohi sama balavaṃtā | tinhahim̐ ko mārai binu bhagavantā ||

सुर-रंजन भंजन-महि भारा । जौँ भगवन्त लीन्ह अवतारा ॥
तौ मैं जाइ बैरु हठि करऊँ । प्रभु सर प्रान तजें भव तरऊँ ॥

sura-raṃjana bhaṃjana-mahi bhārā | jaum̐ bhagavanta līnha avatārā ||
tau maiṃ jāi bairu haṭhi karaūm̐ | prabhu sara prāna tajeṃ bhava taraūm̐ ||

होइहि भजन न तामस-देहा । मन क्रम बचन मन्त्र दृढ़ एहा ॥
जौँ नर-रूप भूप-सुत कोऊ । हरिहउँ नारि जीति रन दोऊ ॥

hoihi bhajana na tāmasa-dehā | mana krama bacana mantra dṛr̤ha ehā ||
jaum̐ nara-rūpa bhūpa-suta koū | harihaum̐ nāri jīti rana doū ||

चला अकेल जान चढ़ि तहवाँ । बस मारीच सिन्धु-तट जहवाँ ॥
इहाँ राम जसि जुगुति बनाई । सुनहु उमा सो कथा सुहाई ॥

calā akela jāna car̤hi tahavām̐ | basa mārīca sindhu-taṭa jahavām̐ ||
ihām̐ rāma jasi juguti banāī | sunahu umā so kathā suhāī ||