अध्याय 21: शूर्पणखा रावण को सभा में धिक्कारती है

जब रघुनाथ समर रिपु जीते । सुर नर मुनि सब के भय बीते ॥
तब लछिमन सीतहि लेइ आये । प्रभु पद परत हरषि उर लाये ॥

jaba raghunātha samara ripu jīte | sura nara muni saba ke bhaya bīte ||
taba lachimana sītahi lei āye | prabhu pada parata haraṣi ura lāye ||

सीता चितव स्याम मृदु गाता । परम प्रेम लोचन न अघाता ॥
पंचबटी बसि श्रीरघुनायक । करत चरित सुर-मुनि सुखदायक ॥

sītā citava syāma mṛdu gātā | parama prema locana na aghātā ||
paṃcabaṭī basi śrīraghunāyaka | karata carita sura-muni sukhadāyaka ||

धुआँ देखि खरदूषन केरा । जाइ सुपनखाँ रावन प्रेरा ॥
बोली बचन क्रोध करि भारी । देस कोस के सुरति बिसारी ॥

dhuām̐ dekhi kharadūṣana kerā | jāi supanakhām̐ rāvana prerā ||
bolī bacana krodha kari bhārī | desa kosa ke surati bisārī ||

करसि पान सोवसि दिन राती । सुधि नहिं तव सिर पर आराती ॥
राज नीति बिनु धन बिनु धर्मा । हरिहि समर्पे बिनु सतकर्मा ॥

karasi pāna sovasi dina rātī | sudhi nahiṃ tava sira para ārātī ||
rāja nīti binu dhana binu dharmā | harihi samarpe binu satakarmā ||

विद्या बिनु बिबेक उपजाये । स्त्रम-फल पढ़े किये अरु पायें ॥
सङ्ग तेँ जती कुमन्त्र ते राजा । मान तेँ ज्ञान पान तेँ लाजा ॥

vidyā binu bibeka upajāye | strama-phala par̤he kiye aru pāyeṃ ||
saṅga tem̐ jatī kumantra te rājā | māna tem̐ jñāna pāna tem̐ lājā ||

प्रीति प्रनय बिनु मद ते गुनी । नासहिं बेगि नीति अस सुनी ॥

prīti pranaya binu mada te gunī | nāsahiṃ begi nīti asa sunī ||