अध्याय 14: लक्ष्मण ज्ञान, माया और भक्ति पूछते हैं

जब तैं राम कीन्ह तहँ बासा । सुखी भये मुनि बीती नासा ॥
गिरि बन नदीं ताल छबि छाए । दिन दिन प्रति अति हौहिं सुहाये ॥

jaba taiṃ rāma kīnha taham̐ bāsā | sukhī bhaye muni bītī nāsā ||
giri bana nadīṃ tāla chabi chāe | dina dina prati ati hauhiṃ suhāye ||

खग-मृग-वृन्द अनन्दित रहहीं । मधुप मधुर गंजत छबि लहहीं ॥
सो बन बरनि न सक अहिराजा । जहाँ प्रगट रघुबीर बिराजा ॥

khaga-mṛga-vṛnda anandita rahahīṃ | madhupa madhura gaṃjata chabi lahahīṃ ||
so bana barani na saka ahirājā | jahām̐ pragaṭa raghubīra birājā ||

एक बार प्रभु सुख-आसीना । लछिमन बचन कहे छलहीना ॥
सुर नर मुनि सचराचर साँई । मैं पूछउँ निज प्रभु की नाई ॥

eka bāra prabhu sukha-āsīnā | lachimana bacana kahe chalahīnā ||
sura nara muni sacarācara sām̐ī | maiṃ pūchaum̐ nija prabhu kī nāī ||

मोहि समुझाइ कहहु सोइ देवा । सब तजि करउँ चरन-रज सेवा ॥
कहहु ज्ञान बिराग अरु माया । कहहु सो भगति करहु जेहिं दाया ॥

mohi samujhāi kahahu soi devā | saba taji karaum̐ carana-raja sevā ||
kahahu jñāna birāga aru māyā | kahahu so bhagati karahu jehiṃ dāyā ||