अध्याय 15: श्रीराम माया, ज्ञान और जीव का भेद बताते हैं

थोरेहि महँ सब कहउँ बुझाई । सुनहु तात मति मन चित लाई ॥
मैं अरु और तोर से माया । जेहिं बस कीन्हे जीव निकाया ॥

thorehi maham̐ saba kahaum̐ bujhāī | sunahu tāta mati mana cita lāī ||
maiṃ aru aura tora se māyā | jehiṃ basa kīnhe jīva nikāyā ||

गो गोचर जहँ लगि मन जाई । सो सब माया जानेहु भाई ॥
तेहि कर भेद सुनहु तुम्ह सोऊ । बिद्या अपर अबिद्या दोऊ ॥

go gocara jaham̐ lagi mana jāī | so saba māyā jānehu bhāī ||
tehi kara bheda sunahu tumha soū | bidyā apara abidyā doū ||

एक दुष्ट अतिसय दुख-रूपा । जा बस जीव परा भव-कूपा ॥
एक रचइ जग गुन-बस जा के । प्रभु प्रेरित नहिँ निज-बल ता के ॥

eka duṣṭa atisaya dukha-rūpā | jā basa jīva parā bhava-kūpā ||
eka racai jaga guna-basa jā ke | prabhu prerita nahim̐ nija-bala tā ke ||

ज्ञान मान जहँ एकउ नाहीँ । देख ब्रह्म समान सब माही ॥
कहिय तात सो परम-बिरागी । तन सम सिद्धि तीनि गुन त्यागी ॥

jñāna māna jaham̐ ekau nāhīm̐ | dekha brahma samāna saba māhī ||
kahiya tāta so parama-birāgī | tana sama siddhi tīni guna tyāgī ||